کاتێ چیرۆکەکانم وەردەگێڕا، لەگەڵ کارەکتەرەکانیاندا دەژیام ، حەزم نەدەکرد چیرۆکەکان تەواوببن تا زۆرترین کات لەگەڵیاندا بم ، هەستمدەکرد لەگەڵمدا دەدوێن و دەخۆن ودەخۆنەوە و، هەستم بە ئازارەکانیان دەکرد... کاتێ برینەکانیان دەکولایەوە، منیش ئازارم دەچێشت ، کاتی پێدەکەنین ، منیش دڵخۆش دەبووم ، کاتێ فڕیان لە چاکانیان دەدا ، دەمویست منیش چایەکی رەشی شیرین بخۆمەوە.
کاتێکیش دەکەوتنە بۆسەوە ، منیش لە دڵەراِوکێدابووم ، کاتێکیش وڵاتپارێزێک ، گەریلایەکی حەشاردەدا ، خۆم وەک وڵاتپارێزەکە دەهاتە پێش چاو، حەزمدەکرد بە دڵ و بە گیان بیپارێزم وخزمەتی بکەم..
ئەم چیرۆکانە بخوێننەوە، مەزنی گەریلا ، جوانی کوردستان ، هۆڤێتی دوژمنتان پێدەناسێنن.